Verkefnin okkar fela í sér hönnun nýbygginga, endurbætur eldra húsnæðis, innréttingar og húsnæðis- og byggingarráðgjöf.

Við vinnum að skipulagi á öllum stigum; svæðisskipulagi, aðalskipulagi, rammaskipulagi og deiliskipulagi.

Við veitum aðstoð við byggingarleyfisumsóknir fyrir einstaklinga, húsfélög og fyrirtæki. Við sinnum jafnframt umsóknum í sjóði, svo sem Framkvæmdasjóð ferðamannastaða.

Verkefni okkar eru jafnframt á sviði landslagshönnunar, þar sem við hönnum einkagarða og stærri lóðir, meðal annars við opinberar byggingar og kirkjugarða.

Við tökum að okkur verkefnastjórnun í uppbyggingarverkefnum og höfum aðgang að ráðgjöfum og sérfræðingum eftir þörfum til að setja saman það teymi sem hvert verkefni krefst.

Við tökum einnig þátt í margvíslegum nýsköpunar- og þróunarverkefnum og komum að mótun nýrra bæjarrýma.

Við vinnum byggða- og húsakannanir og tillögur að verndarsvæðum í byggð.

Samhliða almennri starfsemi hefur fyrirtækið tekið þátt í mörgum samkeppnum og unnið til fjölda verðlauna.

Starfsmenn hafa allir löggildingu Umhverfisráðuneytisins í samræmi við skipulags- og byggingarlög til að gera uppdrætti á sínu fagsviði og eru á lista Skipulagsstofnunar yfir skipulagsráðgjafa með tilskilin réttindi. Til að mæta áskorunum sem felast í vistvænni hönnun og skipulagi hafa starfsmenn fyrirtækisins sótt ECOBOX námskeið Norska arkitektafélagsins, NAL.

Kanon arkitektar eru félagar í SAMARK, samtökum arkitektastofa.  Starfsmenn fyrirtækisins eru félagar í Arkitektafélagi Íslands AÍ og Félagi íslenskra landslagsarkitekta FÍLA.

Gæðakerfi

Kanon arkitektar vinna í samræmi við gæðakerfi samkvæmt ISO-9001:2015 staðlinum.

Stefna Kanon arkitekta

Kanon arkitektar leggja áherslu á vönduð og traust vinnubrögð.
Markmið fyrirtækisins er að vinna að góðri byggingarlist og skipulagi. 

Í stefnu fyrirtækisins kemur fram að:

·  Að í starfsemi fyrirtækisins sé fagurfræði og notagildi höfð að leiðarljósi til að ná sem bestri úrlausn verkefna á sviði arkitektúrs, landslagsarkitektúrs og skipulags.

·  Að þjónusta Kanon arkitekta uppfylli sem best væntingar viðskiptavina.

·  Að huga að sjónarmiðum notenda.

·  Að lausnir séu í samræmi við eðli verkefnisins.

·  Að innra umhverfi fyrirtækisins  sé gott og stuðli að samheldni ánægju og þátttöku starfsmanna í framkvæmd gæðastefnu fyrirtækisins.

·  Að fara að kröfum og bæta stöðugt virkni gæðastjórnunarkerfisins.

·  Að sjálfbærni sé höfð að leiðarljósi og neikvæðum umhverfisáhrifum haldið í lágmarki.