Hofgarðar 13 er gróin lóð á fremur skjólgóðu svæði á norðanverðu Seltjarnarnesi. Húsið er teiknað af Kjartani Sveinssyni um 1980 og lóðarhönnun frá sama tíma var unnin af Auði Sveinsdóttur landslagsarkitekt. Endurbætur á lóð voru gerðar árið 2011 af Birki Einarssyni landslagsarkitekt og þær fólust í endurbótum á göngutengingu milli tveggja dvalarsvæða garðsins. Breytingarnar fólu í sér endurgerð og stækkun kvöldsvæðis, endurnýjun gólfefna auk lagfæringa og viðbóta við núverandi skjólgirðingar. Þá var allur gróður yfirfarinn og nýjum plöntum plantað í samræmi við breyttar áherslur.

Hofgarðar 13 - breytingar á lóð

Heildarstærð:   887 m²
Fjöldi íbúða:        18

Fjölbýlishúsið við Nauthólsveg 85 er reist skv. deiliskipulagi og hönnun Kanon arkitekta. Lóðin er staðsett í vesturjaðri Öskjuhlíðar og nýtur auk þess nálægðar við Vatnsmýri og hjarta miðborgar. Húsið er hluti af uppbyggingu nemendagarða HR við Nauthólsveg í Reykjavík. Um er að ræða fjölbýlishús 3-4 hæðir auk kjallara. Húsið er staðsteypt og einangrað að utan. Útveggir eru klæddir með álklæðningu. Lóð er sameiginleg fyrir alla byggingaráfanga.

Háskólagarðar HR, námsmannaíbúðir hannaðar af Kanon arkitektum, Nauthólsvegur

Nauthólsvegur 87D – námsmannaíbúðir

Tillaga að rammaskipulagi fyrir Sementsreitinn á Akranesi þar sem gerðar voru tvær útfærslur. Annars vegar var fléttað utan um þáverandi byggingar Sementsverksmiðjunnar (tillaga B) og hinsvegar skoðaðir möguleikar svæðisins án þeirra bygginga en í þeirri útfærslu fólst meiri uppbygging, m.a. á nýrri eyju (tillaga A). Sementsreiturinn er lykilsvæði í framtíðaruppbyggingu á Akranesi. Nándin við miðbæ, hafnarsvæði og Langasand gerir reitinn að mikilvægum tengipunkti milli gamals og nýs, hafs og lands, útivistar og atvinnusvæða.

Sementsreiturinn - tillaga að rammaskipulagi

Skipulag íbúðarbyggðar á fyrrum svæði Knattspyrnufélagsins Þróttar við Sæviðarsund og Hólmasund í Reykjavík mótast af aðlægri byggð og einkennist af lágri byggð einbýlis- og parhúsa og fjölbýlishúsi. Skipulagsskilmálar voru mjög ítarlegir og miðuðu að því að svipmót nýrrar byggðar félli að þeirri byggð sem fyrir var. Form og útlit einbýlis- og parhúsa við Sæviðarsund var fastmótað, útveggir sem lóðarveggir að miklu leyti ákvarðaðir í skipulagsskilmálum.
Í umsögn DV vegna tilnefningar menningarverðlauna segir m.a.: “Húsaþyrpingin við Sæviðarsund brýtur á sinn hátt blað í skipulagi íbúðarhverfa í Reykjavík hvað varðar samhengi og heildstætt yfirbragð slíkra hverfa. Samspil húsforma og útirýma er með ágætum, efnisnotkun markviss og heildarsamræmi sérlega gott.”

Deiliskipulag Þróttarsvæðis (Sæviðarsund og Hólmasund)

Deiliskipulag Þróttarsvæðis

Kanon arkitektum var falið að vinna að hugmyndum um notkunarmöguleika Sementsreitsins og þýðingu hans fyrir miðbæ Akraness ásamt því að undirbúa íbúafund þar sem þeir kynntu hugmyndir og höfðu umsjón með umræðum í vinnuhópum.

Sementsreiturinn á Akranesi, hugmyndavinna og íbúafundur

Skrifstofu-, fræðslu- og stjórnsýsluhúsnæði um 4.000 m².

Íbúðarhúsnæði allt að 3.000 m² með um 30 íbúðum (4 hæðir).

Bílastæði að mestu í bílgeymslukjallara með um 100 stæðum.

Tillaga að þróun svæðis við Tryggvagarð á Selfossi með íbúðum og skrifstofu-, fræðslu- og stjórnsýsluhúsnæði. Sterk umhverfisleg rök styðja nýtingu lóðarinnar sem er miðsvæðis í bænum og í alfaraleið. Með nýrri byggð í hjarta bæjarins er lögð rík áhersla á að nýta nálægð við Tryggvagarð, opna garðinn gagnvart byggð og skapa tengsl þar á milli. Stígar garðsins eru framlengdir að aðkomusvæðum nýbygginga og garðurinn flæðir að hluta undir atvinnuhúsnæðið. Garðsvæði nýrrar íbúðarbyggingar nýtur góðs af tengingu við Tryggvagarð og skapar jafnframt aðgengi að nýju aðkomutorgi atvinnuhúsnæðis.

Tryggvagarður - Selfoss

Samkeppnin náði til þriggja reita á krossgötum bæjarins við gatnamót Suðurstrandar og Nesvegar. Markmiðið var að tengja reitina í eina heild og efla miðbæinn.
Úr greinargerð með tillögu:
Nýr miðbær Seltjarnarness er í lykilaðstöðu til að verða miðstöð þjónustu og mannlífs bæði fyrir Seltjarnarnes og vesturhluta Reykjavíkur. Með tillögunni er staðarandinn styrktur á grunni núverandi byggðar. Ný byggð er prjónuð við þá sem fyrir er og þannig er mótað nýtt umhverfi sem virkjar núverandi byggð og almenningsrými. Skapaður verður nýr og aðlaðandi miðbær sem mun styrkja bæjarsamfélagið og draga að sér fólk og fyrirtæki.
Meginhugmynd nýs miðbæjartorgs er að opna Eiðistorg til suðurs og vesturs og fanga sólaráttir og miðbæjarmannlíf Nesvegar og aðliggjandi bæjarrýmis. Nýja miðbæjartorgið samanstendur af endurbættu Eiðistorgi og nyrsta hluta Nesvegar, nýju Nestorgi og Suðurtorgi sem tengist aðkomugarði í bílgeymslu.

Miðbær Seltjarnarness

Tveggja hæða fjölbýlishús við Hólmasund 4 – 20 í Reykjavík. Fjölbýlishúsið er í samræmi við deiliskipulag Kanon arkitekta frá 1998. Óhefðbundið fjölbýlishús með kosti fjölbýlis og sérbýlis – skjólmyndun, góð útirými og sérinnganga allra íbúða. Húsið er brotið upp í 9 sjálfstæðar einingar sem tengjast um útistiga, ein íbúð á hvorri hæð. Byggingin umlykur stóran sameiginlegan garð með leiksvæði.
Útveggir eru steinsteyptir, klæddir dökkri steinaðri múrklæðningu, hvítri sléttri múrklæðningu og sedrusviðarklæðningu. Þök eru einhalla með bárujárnsklæðningu.

Hólmasund 4-20 Reykjavík

Núverandi kirkjugarður Ólafsfirðinga sem liggur í hjarta bæjarins er að verða fullnýttur. Sveitarfélagið stóð fyrir staðarvalsgreiningum þar sem tvö svæði voru borin saman, Brimnes nyrst í bænum og Garðsvegur, svæði til hliðar við gangnamunna Héðinsfjarðargangna. Brimnes varð á endanum fyrir valinu og hefur tæplega 3 hektara svæði verið afmarkað og deiliskipulagt til framtíðar. Reiknað er með að svæðið muni nýtast næstu 30-50 árin a.m.k.  Deiliskipulagið leggur áherslu á sveigjanleika varðandi grafarform en hlutfall kistugrafa er líklegt til að dragast saman á næstu áratugum. Duftreitir (og mögulega önnur form grefrana) þurfa umtalsvert minna rými en kistugrafreitir.  Þá er áhersla á að svæðið geti þróast samtímis sem garðrými og almennt útivistarsvæði fyrir Ólafsfirðinga og gesti þeirra.

Brimnes Ólafsfirði
Nýr kirkjugarður - deiliskipulag

Nýr kirkjugarður - Brimnes, Ólafsfirði - deiliskipulag

Tilnefnd til Mies van der Rohe Pavilion Award for European Architecture 1996

Með nýbyggingu Stuðla voru þrjár meðferðarstofnanir fyrir unglinga sameinaðar í eina. Þar er starfrækt meðferðardeild og neyðarvistun.

Hækkun sjálfræðisaldurs nokkrum árum eftir að Stuðlar voru fyrst teknir í notkun kallaði á stærri og sérhæfða neyðarvistun og var viðbyggingu bætt við eldri hluta 2004.

Byggingin er brotin upp og hverfast hlutar hennar um innri garða sem veita hlýleika og góða yfirsýn. Hún er klædd með múrkerfi og lerkiklæðningu sem hefur fengið að veðrast. Form og efni miða að því að byggingin falli á hógværan hátt að umhverfinu, en hún var sú fyrsta sem reis á svæðinu.

Stuðlar meðferðarstöð

Heildarstærð:   6.227 m²
Fjöldi íbúða:        112

Fjölbýlishúsið við Nauthólsveg 87 er reist skv. deiliskipulagi og hönnun Kanon arkitekta. Lóðin er staðsett í vesturjaðri Öskjuhlíðar og nýtur auk þess nálægðar við Vatnsmýri og hjarta miðborgar. Húsið er hluti af uppbyggingu nemendagarða HR við Nauthólsveg í Reykjavík. Um er að ræða fjölbýlishús 3-4 hæðir auk kjallara. Húsið er staðsteypt og einangrað að utan. Útveggir eru klæddir með álklæðningu. Lóð er sameiginleg fyrir alla byggingaráfanga.

Háskólagarðar HR, námsmannaíbúðir hannaðar af Kanon arkitektum, Nauthólsvegur 83-85

Nauthólsvegur 87 – námsmannaíbúðir

Húsið er frístundahús á einni hæð með millipalli. Kringum húsið eru pallar til austurs, vesturs og suðurs með skjólgirðingum. Stærð byggingar: 76 m².

Frístundahús arkitektahönnun Kanon arkitektar

Frístundahús - Þórdísarbyggð

Deiliskipulag samþykkt í október 2015, með síðari breytingum

Árið 2014 var þremur arkitektastofum boðið að vinna samanburðartillögur um skipulag fyrir Háskólagarða HR. Tillaga Kanon arkitekta bar sigur úr býtum og var valin til útfærslu.
Markmið tillögunnar er að móta fjölbreytt íbúðarsvæði og margbreytilegt umhverfi með því að tvinna saman borgargötubyggð í vestri og opnari byggð að útivistarsvæði í austri. Áhersla er lögð á að nýta nánd við Öskjuhlíð og auka tengsl byggðar og náttúrusvæða. Til norðurs og vesturs, að miðborginni og Nauthólsvegi er randbyggð borgarhúsa sem myndar götumynd og bæjarrými. Til austurs er form bygginga brotið upp í opnari byggð sem fléttast við útivistarsvæðið. Syðst á svæðinu er leikskóli. Þar er einnig gert ráð fyrir þjónustukjarna með dagvöruverslun, kaffihúsi o.þ.h. að Nauthólsvegi.

Deiliskipulag Háskólagarðar HR

Samkeppni um uppbyggingu í miðborg Reykjavíkur.

Í tillögunni fléttast uppbyggingaráform og verndunarsjónarmið í sögulegu og lifandi umhverfi. Markmið tillögu er að bæta nýjum mælikvarða í byggð og tengja hið gamla smágerða hinu nýja stórgerða í fallega heild. Ennfremur að styrkja leiðir milli almenningsrýma, móta umhverfi þeirra í samfelld fjölbreytt bæjarrými og skapa forsendur fyrir blómstrandi starfsemi og mannlífi.

Ingólfstorg – Kvosin

Fjölbýlishúsið er 3. áfangi uppbyggingar nemendagarða Háskólans í Reykjavík og er reist skv. deiliskipulagi og hönnun Kanon arkitekta. Um er að ræða þriggja hæða fjölbýlishús auk kjallara. Húsið er staðsteypt og einangrað að utan. Útveggir eru klæddir með álklæðningu. Húsið er á austurhluta lóðar, í fallegu og skjólsælu umhverfi Öskjuhlíðar.
Lóð er sameiginleg fyrir alla byggingaráfanga.

Nauthólsvegur 85D – námsmannaíbúðir

Ýmsar aðalskipulagsbreytingar unnar, bæði í málsmeðferð verulegrar breytingar og óverulegrar.

Aðalskipulagsbreyting Vatnsnes Reykjanesbær

Aðalskipulagsbreyting Dalshverfi Reykjanesbær

Aðalskipulagsbreytingar Kanon arkitektar

Aðalskipulagsbreytingar

Betri borgarbragur (BBB) var rannsóknarverkefni nokkurra arkitektastofa, Nýsköpunarmiðstöðvar Íslands og Háskóla Íslands. Verkefnið var styrkt af Tækniþróunarsjóði Rannís (Öndvegisstyrkur).
Eitt af markmiðum verkefnisins var að móta leiðir til að hafa áhrif á skipulagsmál til framtíðar, skilgreina verkfæri til að bæta byggt umhverfi og stuðla að vistvænni og sjálfbærri byggð. Skilgreint var hvað felst i hugtakinu „umhverfisvænt og sjálfbært byggt umhverfi “ fyrir íslenskar aðstæður, staða mála hérlendis metin og bent á leiðir til úrbóta. 
Að verkefninu stóðu, auk Háskóla Íslands:
Arkitektúra,  ASK arkitektar,   GlámaKím Arkitektar,  Hús og Skipulag,  Kanon arkitektar,  Nýsköpunarmiðstöð Íslands  og Teiknistofan Tröð.

lok_BBB_Ad_byggja_ser_fortid.pdf

Að byggja sér fortíð

Orðskýringar fyrir borgar- og bæjarskipulag

Hugmyndir um sjálfbærni á höfuðborgarsvæðinu

Suðurlandsbraut

Þéttleiki borga samanburður

Vitundin um borgina

Betri borgarbragur - rannsóknarverkefni um þéttbýlisskipulag og byggt umhverfi, samstarf arkitektastofa, Nýsköpunarmiðstöðvar Íslands og Háskóla Íslands.

Betri borgarbragur - rannsóknarverkefni 2009-2013

Nýtt deiliskipulag fyrir íbúðarbyggð austast í þéttbýli sveitarfélagsins með áherslu á margvíslegar íbúðargerðir í fjölbýli. Auk íbúða er gert ráð fyrir möguleika á þjónustu og leikskóla í göngufæri, miðsvæðis í hverfinu og í tengslum við hverfistorg við lífæð íbúðarbyggðarinnar.
Deiliskipulagssvæðið afmarkast af óbyggðu náttúrusvæði meðfram strandlengju til norðurs, óbyggðu náttúrusvæði til austurs, óbyggðu svæði meðfram Reykjanesbraut / Stapabraut til suðurs og íbúðabyggð Dalshverfis I og II til vesturs.

Deiliskipulag Dalshverfi III

Aðalhönnuður bygginga: Kanon arkitektar

Samkvæmt sérstöku samkomulagi milli Reykjavíkurborgar og Háskólans í Reykjavík er  Nauthólsvegur 83d þróað sem búsetuúrræði fyrir einstaklinga sem þurfa mikla aðstoð í daglegu lífi.  Áherslur lóðarhönnunar eru í grunninn þær sömu og skilgreindar eru í deiliskipulagi þ.e. sama yfirbragð er fyrir allt svæðið - ein lóð án sýnilegra lóðamarka.  Sérstakt tillit er tekið til þátta sem snúa að starfseminni en reynt er að fella þá þætti að grunnhugsun heildarsvæðisins. Áhersla er lögð á að nýta nánd við Öskjuhlíð og auka tengsl byggðar og náttúrusvæða.

Landslagshönnun Nauthólsvegur Kanon arkitektar

Nauthólsvegur 83D lóðarhönnun

Lóðarhönnun: Kanon arkitektar - Nauthólsvegur 85D &  87A,B,C & D

(Landform ehf - Nauthólsvegur 83 a,b,c & 85 a,b,c)

Áherslur lóðarhönnunar eru skilgreindar í deiliskipulagi þar sem sama yfirbragð skildi vera fyrir allt svæðið þ.e. ein lóð án sýnilegra lóðamarka.  Lóðin situr utan í Öskjuhlíðinni og mikilvægt að aðlaga nýframkvæmdina sem best að útivistarsvæðinu.  Stúdentagarðar er heimili fyrir nemendur, gestakennara og fjölskyldur þeirra. Góð göngutengsl eru við aðalbyggingu HR sem og aðra samgöngumáta í víðara samhengi.  U-laga byggingaform stúdentagarða mynda garðrými sem snúa að Öskjuhlíðinni, sem verður mikilvægt bakland fyrir hin nýju garðsvæði.

Háskólagarðar HR við Nauthólsveg - lóðarhönnun Kanon

Háskólagarðar HR við Nauthólsveg - lóðarhönnun

Heildarstærð:      6.731 m²
Fjöldi íbúða:         125

Fjölbýlishúsið við Nauthólsveg 83 er reist skv. deiliskipulagi og hönnun Kanon arkitekta. Lóðin er staðsett í vesturjaðri Öskjuhlíðar og nýtur auk þess nálægðar við Vatnsmýri og hjarta miðborgar. Húsið er fyrsti áfangi uppbyggingar nemendagarða HR við Nauthólsveg í Reykjavík. Um er að ræða fjölbýlishús 3-5 hæðir auk kjallara. Húsið er staðsteypt og einangrað að utan. Útveggir eru klæddir með álklæðningu. Lóð er sameiginleg fyrir alla byggingaráfanga.

Nauthólsvegur 83 – námsmannaíbúðir

Deiliskipulag íbúðarhverfis austan Tjarnahverfis í Reykjanesbæ, sem Kanon arkitektar deiliskipulögðu árið 2004. Dalshverfi var skipulagt í tveimur áföngum í beinu framhaldi Tjarnarhverfis. Deiliskipulag Tjarnahverfis og Dalshverfis er unnið á grunni rammaskipulags Reykjanesbæjar frá 2003, en það er einnig unnið af Kanon arkitektum.
Á svæðinu er byggð fjölbreyttra íbúðagerða ásamt hverfisþjónustu við lífæð hverfisins og útivistarsvæði.

Deiliskipulag Dalshverfi I og II

Kanon arkitektar unnu einnig byggða- og húsakönnun fyrir svæðið árið 2018 og er hún hluti af skýrslunni um verndarsvæðið.

Verndarsvæði í byggð er afmarkað svæði í þéttbýli sem nýtur sérstakrar verndar samkvæmt gildandi lögum og reglugerðum. Afmörkun svæðisins í þessari tillögu nær frá Útskálum að Skagatá og um er að ræða eina elstu byggð sem tilheyrir Garði, hús og búsetuumhverfi. Á svæðinu, sem er tæplega 60 ha að stærð, eru um 50 hús, fjölbreytt byggð íbúðarhúsa, útihúsa og atvinnuhúsnæðis. Þar má finna einstakt þétt 19. aldar byggðarmynstur og heildstætt menningar- og búsetulandslag, sem haldist hefur nokkuð óhreyft og lesa má í gamla búsetuhætti.

Útgarður Suðurnesjabær - Verndarsvæði í byggð

Útgarður, Suðurnesjabær – Verndarsvæði í byggð

Viðbygging, breytingar og endurbætur eldra húsnæðis 2004 – 2006

Endurbætur og innréttingar - Opinberar byggingar

Heildarstærð leikskóla með viðbyggingu: 1010 m²

Viðbygging og breytingar eldra húsnæðis leikskólans Huldubergs í Mosfellsbæ sem upphaflega var teiknaður 1999 af Elísabetu Gunnarsdóttur arkitekt hjá Teiknistofunni Kol og salt. Við breytinguna fjölgaði deildum úr fjórum í sex.
Viðbyggingin er við suðausturhlið eldri byggingar. Hún er á einni hæð, steinsteypt, útveggir einangraðir að utan. Lægri hluti er klæddur múrkerfi með ljósri steiningu og sá hærri með timburklæðningu úr standandi bandsöguðum harðviðarborðum, jatoba. Þök eru steinsteypt, viðsnúin og fergð með hellum.
Samhliða hönnun viðbyggingar var unnið að hönnun breytinga og endurbóta húsnæðis og lóðar.

Leikskólinn Hulduberg

Heildarstærð:   7.188 m²
Fjöldi íbúða:        133

Fjölbýlishúsið við Nauthólsveg 85 er reist skv. deiliskipulagi og hönnun Kanon arkitekta. Lóðin er staðsett í vesturjaðri Öskjuhlíðar og nýtur auk þess nálægðar við Vatnsmýri og hjarta miðborgar. Húsið er annar áfangi uppbyggingar nemendagarða HR við Nauthólsveg í Reykjavík. Um er að ræða fjölbýlishús 3-5 hæðir auk kjallara. Húsið er staðsteypt og einangrað að utan. Útveggir eru klæddir með álklæðningu. Lóð er sameiginleg fyrir alla byggingaráfanga.

Nauthólsvegur 85 – námsmannaíbúðir

Hugmyndasamkeppni um framtíðaruppbyggingu Kringlusvæðis

Kringlusvæðið afmarkast af Miklubraut, Kringlumýrarbraut, Listabraut og eystri hluta Kringlugötu. Markmið samkeppninnar var að þróa og efla svæðið sem eitt mikilvægasta verslunar- og athafnasvæði borgarinnar, fjölga íbúðum og þétta byggð nærri efldum almenningssamgöngum.
Hugmynd tillögunnar er að byggja nýtt borgarhverfi, þar sem margbreytileikinn fær notið sín. Verslunarmiðstöðin Kringlan er styrkt, stækkuð og opnuð í borgarrýmið og verður virkur hluti borgarmannlífsins. Byggt er á grunnhugmynd randbyggðar og gatnanets með þéttri blandaðri byggð í hóflegri hæð. Nýbyggingar laga sig að byggingum sem fyrir eru og styrkja götumynd. Opnun gatnakerfis í borgarumhverfið auðveldar og eflir aðgengi um Kringlusvæðið sem hverfi í borg. Samtengd útirýmin verða kjörinn viðkomustaður í daglegu lífi borgarbúa.

Kringlan – hugmyndasamkeppni

Sjúkrahótel er hluti fyrsta áfanga uppbyggingar nýs Landspítala við Hringbraut. Það mun rísa norður af C-álmu kvennadeildar og tengjast Barnaspítala / kvennadeild um tengigang á jarðhæð. Frumhönnun sjúkrahótels byggir á vinningstillögu í samkeppni um uppbyggingu á Landspítalalóð 2010 og er unnin undir merkjum SPITAL teymisins.

Í fyrsta áfanga verða 77 herbergi, í fullbyggðu sjúkrahóteli 115 – 120 hótelherbergi. Sjúkrahótel er eins og venjulegt hótel að viðbættri aðstöðu fyrir heilbrigðisstarfsfólk. Hærra hlutfall gesta hefur skerta hreyfigetu en á almennum hótelum. Aðkoma hótelsins er frá suðri um forgarð. Við inngang er móttaka, veitingastofa með aðgengi í forgarð og setustofa, að hluta til með tvöfaldri lofthæð. Þar er hjarta hússins.

Sjúkrahótel - nýr Landspítali

Viðfangsefni tillögunnar er að minnka vægi bílsins í umhverfi torgsins og virkja bæjarrýmið til fjölbreyttra athafna blómstrandi mannlífs. 
Byggingarnar sem afmarka torgið eru frá mismunandi tímabilum í Reykvískri byggingarsögu, fjölbreytilegar að stærð og gerð. Þetta gefur Óðinstorgi skemmtilegan og líflegan brag sem mikilvægt er að viðhalda. 
Áhersla er lögð á að skynja megi torgið sem eitt rými - svæði sem býður upp á margvíslega notkun íbúa og gesta eftir árstíðum, vikudögum og tímum sólarhringsins. Leik og hvíld, tónleikahald, dans, útiveitingar kaffihúss og veitingastaðar, útimarkað o.s.frv. Lifandi torg með fjölnota möguleika.
Á móti fjölbreytileika bygginganna sem afmarka rýmið verður einfaldleiki í hugmyndinni að efni og yfirbragði gólfsins.

Óðinstorg - hönnunarsamkeppni

Árið 2007 bauð Borgarbyggð fimm arkitektastofum að vinna samanburðartillögur um skipulag í Brákarey. Tillaga Kanon arkitekta bar sigur úr býtum og var valin til útfærslu. 

Í deiliskipulagi Brákareyjar, sem er útfærsla á samanburðartillögu, er sérstaða eyjarinnar undirstrikuð. Áhersla er lögð á gott heildaryfirbragð mannvirkja og að form þeirra og efnisnotkun taki ríkt tillit til umhverfisins og upphefji stórbrotna náttúru svæðisins. Gert er ráð fyrir blandaðri byggð íbúða, verslunar og þjónustu. Þjónustu- og íbúðarbyggingar umlykja torg, sem opnast til suðurs. Nyrst verður bygging með íbúðum og þjónustu, austar hótel og fjölnotahús. Á syðri hluta eyjarinnar móta samfelldar raðir íbúðarbygginga litlar húsagötur. Undir torginu verður bílgeymsla.

Brákarey

1. verðlaun
Opin samkeppni 2016
Verkkaupi: Ísafjarðarbær
Samkeppni í samstarfi við AÍ

Sundhöll Ísafjarðar, hönnuð af Guðjóni Samúelssyni var vígð árið 1946. 70 árum síðar var haldin samkeppni um endurhönnun hennar og umhverfis við Austurveg. Áhersla var lögð á útisvæði og endurbætur á aðstöðu. Með tillögu að endurhönnun sundhallarinnar er lagt upp með að nálgast þessa merku byggingu í hjarta bæjarins af virðingu og samtímis að laga hana að breyttum aðstæðum á aðlaðandi, nútímalegan og hagkvæman hátt. Með endurskipulagningu núverandi húsnæðis og nýrri viðbyggingu er leitast við að fanga dagsbirtu á fjölbreyttan hátt og skapa notalegt og aðgengilegt rými. Nýtt útisvæði með margvíslegri aðstöðu mun auka notagildi sundhallarinnar og upplifun gesta.

Sundhöll Ísafjarðar

Hugmynd að frístundabyggð við strandlengju Ósa, skammt frá Ósabotnum og Þórshöfn, vestarlega á Reykjanesi.
Frístundabyggðin er staðsett í sérstæðu og stórbrotnu umhverfi strandlengjunnar. Þaðan er mikilfenglegt útsýni til sjávar og kröftug úthafsaldan blasir við í öllu sínu veldi. Áhersla er lögð á að gesturinn fái sterka tilfinningu fyrir náttúruöflum og umhverfi.
Við aðkomu Ósa er fræðslu- og þjónustumiðstöð, hótel og veitingastaður. Þaðan kvíslast vegur að 40-60 frístundahúsum. Frá samfelldum stíg um frístundabyggðina verður greið leið niður að baðstað, strönd og fjöru.

Ósar – frístundabyggð

Frístundahús í fallegu kjarrlendi í Borgarfirði. Hönnun húss og nánasta umhverfis miðast að því að fella öll mannvirki sem best að umhverfinu. Útveggir, gólf og þak eru steypt. Húsið klætt að utan með ómeðhöndluðum sedrusviði sem hefur gránað með aldrinum. Gras er á þaki. 
Öll hönnun húss og fyrirkomulag miðast að því að tengja innra umhverfi hússins náttúrunni fyrir utan sem best.

Frístundahús í landi Jarðlangsstaða, Borgarbyggð

Deiliskipulag 2013
Stærð deiliskipulagssvæðis:	16,5 ha
Lóð Landspítala:	14 ha
Núverandi húsnæði:	73.600 m²
Nýbyggingar fyrsta áfanga:	151.500 m²

Deiliskipulagið grundvallast á verðlaunatillögu SPITAL frá 2010 og er unnið undir merkjum SPITAL. Það rúmar nútímalegt háskólasjúkrahús, tengt eldri byggð og starfsemi með sveigjanlegri, áfangaskiptri uppbyggingu og þróunarmöguleikum  til framtíðar.
Ný byggð er samofin aðliggjandi svæði, borgarskipulagið byggt á grunnhugmynd randbyggðar og gatnanets og leitast við að draga úr þörf einkabílsins í umhverfisvænu deiliskipulagi.

Nýr landspítali - Deiliskipulag fyrir nútímalegt háskólasjúkrahús, umhverfisvænt skipulag með uppbyggingu tengt eldri byggð.

Nýr landspítali - Deiliskipulag

Hverfisskipulag er deiliskipulag fyrir gróin hverfi sem á að gera þau vistvænni og sjálfbærari. Markmiðið er að þróa byggðina í takt við breyttar áherslur og um leið vernda og styrkja byggðarmynstur og staðaranda. Einfaldara verður fyrir íbúa að sækja um breytingar á húsum sínum eða lóðum með tilkomu hverfisskipulags.
Verkefnið hófst 2015 og tók gildi 2024. Unnið í samstarfi við Teiknistofuna Tröð og VSÓ ráðgjöf.

Öll gögn má finna neðarlega á síðu Reykjavíkurborgar hér:
https://reykjavik.is/hverfisskipulag/hlidar

Hverfisskipulag fyrir Hlíðar. Hverfisskipulag í Háteigshverfi, Hlíðahverfi og Öskjuhlíðarhverfi er deiliskipulag fyrir gróin hverfi, Kanon arkitektar

Hverfisskipulag í Háteigshverfi, Hlíðahverfi og Öskjuhlíðarhverfi

Með deiliskipulagsbreytingu verða lóðirnar Skeifan 7 og 9 sameinaðar og afmörkuð ein ný lóð að viðbættu borgarlandi að Suðurlandsbraut, alls um 10.213 m² að stærð. Gert er ráð fyrir niðurrifi á byggingum sem fyrir eru á lóðunum sökum ástands þeirra. Á nýrri sameinaðri lóð verði heimilt að reisa nýbyggingu með íbúðum og atvinnuhúsnæði.

Byggingin verður að mestu leyti 4 – 6 hæða með randbyggð umhverfis upplyftan garð og 8 hæða turn í norðurhorni. Hann myndar kennileiti á mótum Álfheima og Suðurlandsbrautar við aðalstíg og kallast á við staka byggingu vestan við Glæsibæ og hábyggingar Ljósheima. Bygging er hæst í norðri og lækkar til suðurs að sólaráttum. Leitast er við að skapa fjölbreytni í hæðum byggingar og hleypa birtu inn í skjólríkan, bjartan og hljóðlátan inngarð, sem verður sameiginlegt dvalarsvæði íbúa með beinu aðgengi allra íbúða frá stigahúsum. Lögð er áhersla á gott aðgengi allra að þjónustustarfsemi á jarðhæð og íbúðarhúsnæði efri hæða. Í suðvesturhluta lóðar verður aðkomutorg sem tengist megingönguleið í gegnum Skeifuna. 

Á efri hæðum verða allt að 200 íbúðir umhverfis upplyftan inngarð á þaki jarðhæðar. Garðurinn er umlukinn randbyggð íbúða og nýtur skjóls fyrir umferð og veðri. Randbyggð er rofin niður að hæð inngarðs til suðvesturs í átt að aðkomutorgi þar sem dagsbirta á greiða leið í garðinn og sjónræn tengsl myndast milli garð- og torgrýmis.
Á jarðhæð verður verslunar- og þjónusturými auk stoðrýmis, en einnig er þar gert ráð fyrir möguleika á hjólageymslum og bílgeymslu að hluta. Þar verða inngangar í stigahús íbúða efri hæða og möguleiki á læstum hjólageymslum íbúa í góðum tengslum við innganga.
Í kjallara er gert ráð fyrir hjóla- og bílgeymslu auk annars geymslu- og stoðrýmis og einnig er þar möguleiki á atvinnuhúsnæði að hluta.

Á aðkomutorgi og upplyftum inngarði verður gert ráð fyrir söfnun og miðlun ofanvatns, m.a. með blágrænum beðum trjá- og runnagróðurs sem samtímis prýða borgarrýmið.

Með deiliskipulagsbreytingu Kanon arkitekta fyrir Skeifuna 7 – 9 verður heimilt að reisa nýbyggingu með íbúðum og atvinnuhúsnæði. Randbyggð umhverfis upplyftan garð og turn í norðurhorni.

Skeifan 7 - 9 deiliskipulagsbreyting

Heildarstærð:      Um 1.900 m²
Fjöldi íbúða:                    12

Fimm hæða fjölbýlishús við Urriðaholtsstræti 32 með innbyggðri bílgeymslu. 
Útveggir eru staðsteyptir, einangraðir að utan og klæddir með álklæðningu en svalir eru timburklæddar. 
Húsið situr í miklum landhalla og þarf að aðlaga það mismunandi landnotkun á lóðamörkum. Lóðin er þrískipt með aðkomusvæði, bílastæði og garðsvæði.

Urriðaholtsstræti 32 Garðabæ

Húsið er þriggja hæða steinhús og er teiknað af Einari Erlendssyni 1926.
Endurbætur náðu til alls hússins og í framhaldinu var garðurinn endurhannaður og lauk framkvæmdum við hann 2017.  Öfugt við húsið þá var garðurinn í fremur lélegu ástandi og lítið til að byggja á.  Ákveðið var að gera garðinn nútímalegan en enduróma um leið tiltekin gæði götumyndar og arkitektúr hússins.  Einkennandi steypt handrið við útitröppur eru t.a.m. látin halda sér þótt nýjar tröppur hafi verið steyptar með mun minni halla. Þá var nýr lóðaveggur steyptur á framlóð og garðhýsi reist á baklóð.

Einkagarður í Vesturbæ Reykjavíkur

Endurbætur og innréttingar - Opinberar byggingar

Leikskólinn Laugasól var byggður árið 1965. Upphaflegur hönnuður hússins var Bárður Daníelsson, arkitekt.
 Reykjavíkuborg óskaði eftir að gerðar yrðu breytingar á leikskólanum vegna fjölgunar barna og eins til að uppfylla kröfur sem gerðar eru til leikskóla í dag.
Það verður gert með því að grafið verður frá húsinu að sunnaverðu, gera nýja innganga í kjallara og koma þ.ar fyrri fyrir leikskóladeildum, matstofu, starfsmannarými og skrifstofum. Auk þess verða gerðar nauðsynlegar breytingar m.t.t. algildrar hönnunar s.s. bætt aðgengi milli hæða með nýjum stiga og lyftu.
Lóð verður endurhönnuð að hluta til að bæta aðgengi að kjallara.

Leikskólinn Laugasól

Breytingar, endurbætur og innréttingar - Íbúðarhúsnæði

Breytingar og innréttingar innanhúss með virðingu fyrir hinu upprunalega í húsi frá 1926 eftir Einar Erlendsson. Endurbæturnar ná til alls hússins en meginbreytingin er fólgin í nýju eldhúsi og að opnað var milli þess, stofu og borðstofu og þannig myndað bjart og opið rými. Einnig var hannaður nýr stigi milli hæða og tvö baðherbergi endurhönnuð.

Lóð hússins var endurhönnuð af Kanon arkitektum 2016.

Íbúðarhúsnæði í Vesturbænum Reykjavík

Með sameiningu lóða og breyttri landnotkun skapaðist grundvöllur fyrir nýjum leikskóla fyrir 120 – 130 nemendur.  Helstu áskoranir lóðarhönnunar fólust í gerð leiksvæða fyrir nemendur auk útfærslu á hverfisgarði í grónu umhverfi.  Sérstök áhersla var lögð á að tryggja gott aðgengi og varðveita núverandi gróðursvæði. Hönnunin hlaut viðurkenninguna „Græna skóflan 2022“ frá samtökunum Grænni byggð fyrir vistvænar og sjálfbærar áherslur.

Leikskólinn Brákarborg Kleppsvegi

Landslagshönnun, frístundahús í Borgarbyggð

Húsið er fjögurra hæða nýbygging, fjölbýlishús með verslunar- og þjónusturými á jarðhæð. Húsið er samtengt Snorrabraut 60 sem sem hýsir Blóðbankann. Nýbyggingin fellur vel að hugmyndum um mótun Snorrabrautar sem mikilvæg framtíðarborgargata í Reykjavík. Á götuhæð er gert ráð fyrir lifandi götuhliðum með hverfisþjónustu. Á efri hæðum eru 35 íbúðir af ýmsum stærðum og gerðum.

Snorrabraut 62

Stærð skipulagssvæðis:     375 ha
Nýr íbúafjöldi: 15.000
Ný störf: 4000

Verkefnið fólst í rýni uppbyggingarmöguleika í Fyllingsdalen, úthverfi Bergen, og var unnið í samstarfi við norsku arkitektastofuna OG arkitekter. Teymið var valið til tillögugerðar í forvali á Evrópska efnahagssvæðinu. Skipulagstillagan er heildarsýn á mögulega uppbyggingu og verður nýtt við stefnumörkun í skipulagsendurskoðun. Skipulagssvæðið er lykilsvæði í aðalskipulagi Bergen. Miðbiki hverfisins er breytt frá yfirbyggðum verslunar- og þjónustukjarna og dreifbyggðu athafnasvæði í lífæð sem liggur þvert á dalinn. Áhersla er lögð á sjálfbærni í vistvænni byggð og umhverfi í Fyllingsdalen.

Fyllingsdalen - Rammaskipulag

Rammaskipulag Kringlusvæðis var unnið á grunni verðlaunatillögu Kanon arkitekta í hugmyndasamkeppni 2017 (sjá einnig Samkeppni).
Skipulagssvæðið er þróunarsvæði skv. Aðalskipulagi Reykjavíkur, um 13 ha að stærð. Í rammaskipulaginu er sett fram stefnumótun og framtíðarsýn fyrir uppbyggingu þéttrar blandaðrar byggðar í samhljómi við hverfin í kring, nærri efldum almenningssamgöngum. 
Ný randbyggð, með Kringlustétt miðsvæðis – hjarta hverfisins - opið torgrými ásamt aðlægri lifandi starfsemi í götuhæð. Kringlustétt verður í hæð við núverandi 2. hæð Kringlunnar. Kringlusvæðið verður byggt upp í áföngum. Á fullbyggðu svæði er reiknað með um 160.000 m² nýs húsnæðis. Þar af um 60.000 m² atvinnuhúsnæðis og um 800 – 1000 íbúðum.

Kringlusvæðið - Rammaskipulag

Samkvæmt sérstöku samkomulagi við Reykjavíkurborg rís  þriggja hæða, sjö íbúða fjölbýlishús - samtals 780m² á lóð Háskólans í Reykjavík við Nauthólsveg 83D.   Íbúðirnar eru sérstaklega hannaðar með þarfir fatlaðs fólks í huga auk aðstöðu fyrir starfsfólk. Húsið fellur vel að heildarskipulagi námsmannaíbúða HR við Nauthólsveg.

Fjölbýlishús á lóð Háskólans í Reykjavík - hannað með þarfir fatlaðs fólks í huga.

Nauthólsvegur 83D Reykjavík

Í kjölfar hugmyndaleitar var Kanon arkitektum falið að vinna að heildarendurskoðun Skeifunnar á grunni tillögu þeirra. Til samræmis við Aðalskipulag Reykjavíkur 2010-2030 var unnin heildarendurskoðun skipulags Skeifunnar, rammaskipulag. Skeifan er sunnan við þróunar- og samgönguás sem skilgreindur er meðfram Suðurlandsbrautinni í aðalskipulaginu þar sem gert er ráð fyrir að fyrirhuguð Borgarlína muni liggja og því mikilvægt að tekið sé á uppbyggingarmöguleikum svæðisins. 
Í gildi er deiliskipulag Skeifunnar frá árinu 2001 og er gert ráð fyrir að það verði endurskoðað reit fyrir reit með deiliskipulagsbreytingum á grundvelli þessa nýja rammaskipulags.

Skeifan – rammaskipulag 2017

Þessi endurskoðun er á Aðalskipulagi Reykjanesbæjar 2015-2030 sem staðfest var 2017.
Forsendur þess skipulags gerðu ráð fyrir ákveðinni íbúaþróun sem ekki gekk eftir og varð íbúafjölgunin í reynd mun örari. Verulegar breytingar urðu þá á efnahagslegum og samfélagslegum forsendum svo ljóst var að endurskoða þyrfti hluta markmiða aðalskipulagsins, sérstaklega hvað varðar fjölda nýrra íbúða og uppbyggingu atvinnusvæða.

Aðalskipulag Reykjanesbæjar 2020-2035 unnið af Kanon arkitektum fyrir Reykjanesbæ, staðfest 2023.

Aðalskipulag Reykjanesbæjar 2020-2035

Heildarbyggingamagn fyrir svæðið  : 45 – 50 þúsund m²

Rammaskipulag fyrir miðlæga íbúðarbyggð og miðbæ Þorlákshafnar var unnið út frá forsendum Aðalskipulags Sveitarfélagsins Ölfuss 2010-2022 sem undanfari aðalskipulagsbreytinga sem lúta að þéttbýlissvæði sveitarfélagsins.
Fyrsti áfangi rammaskipulagsins er „Móinn“ (vinnuheiti), svæði um 15 ha að stærð og afmarkast af Ölfusbraut til vesturs, Hafnarvegi til norðurs, athafnasvæði við Vesturbakka til austurs og Selvogsbraut til suðurs.
Sett er fram hugmynd að nýrri miðlægri íbúðarbyggð með möguleika á blöndun byggðar næst Selvogsbraut.

Uppbyggingarreitir afmarka íbúðarþyrpingar og endurspegla möskvastærð gatnanets í eldri bæjarhlutum Þorlákshafnar. Byggðin er afmörkuð til austurs með götu sem myndar skýr skil milli íbúðarhverfisins og fyrirhugaðs athafnasvæðis.
Grænt belti verður hryggjarstykki eftir svæðinu gegnum nýja íbúðarbyggð. Það tengist inngörðum þess milli miðbæjar og jaðars byggðar í norðri með samfelldum stíg. Á þessum svæðum mætti gera ráð fyrir fyrir margvíslegri notkun og upplifunum með fjölskyldu- og vistvænar áherslur að leiðarljósi, svo sem fjölbreytilegum leik- og æfingasvæðum fyrir alla aldurshópa, ræktunarreitum eða jafnvel gróðurhúsum o.fl.
Innan hvers uppbyggingarreits gefst kostur á fjölbreyttri byggð raðhúsa, parhúsa, keðjuhúsa, fjölbýlishúsa eða fjölbreyttra samsetninga þar á milli.

Þorlákshöfn – rammaskipulag fyrir miðlæga íbúðarbyggð og miðbæ

Þróunaráætlun KADECO um heildstæða sýn á uppbyggingu nærsvæðis Keflavíkurflugvallar fram til ársins 2050. Þróunaráætlunin, sem gengur undir heitinu K64, var unnin af þverfaglegu teymi, undir forystu hönnunarstofunnar KCAP ásamt WSP, FELIXX, MIC-HUB, VSÓ Ráðgjöf, Buck Consultans International, Buro Happold, Base Design, Maurits Schaafsma og Kanon arkitektum.
Metnaðarfullt verkefni sem m.a. miðar að því að byggja upp þróunarsvæði sem saman mynda vistkerfi sem einkennist af samvinnu og sambúð iðnaðar, samgangna, nýsköpunar og sjálfbærrar byggðaþróunar.

K64 - Þróunaráætlun Keflavíkurflugvallar 2023-2050

Kanon arkitektar unnu einnig byggða- og húsakönnun fyrir svæðið árið 2018 í tengslum við tillögugerð þessa og deiliskipulagsvinnu.

Verndarsvæði í byggð er afmarkað svæði í þéttbýli sem nýtur sérstakrar verndar samkvæmt gildandi lögum og reglugerðum. Um er að ræða eina elstu byggð Sandgerðis, hús og búsetuumhverfi á svæði við Krókskotstún og Landakotstún, í norðurhluta bæjarins. Á svæðinu, sem er tæplega 12 ha að stærð, eru um 40 hús, íbúðarhús og atvinnuhúsnæði. Elsta byggð innan afmörkunnar eru þrjú býli á eignarlóðum frá fyrri hluta síðustu aldar og um miðbik svæðisins er nokkuð samfellt tún sem er einkennandi fyrir svæðið. Byggð meðfram götum umhverfis svæðið samanstendur af húsum með margbreytilegt yfirbragð enda byggðist svæðið upp á löngum tíma.

Verndarsvaedi-i-byggd-Krokskotstun-mars-2020.pdf

Sandgerði, Suðurnesjabær - Verndarsvæði í byggð

Kanon arkitektar ehf hafa starfað frá árinu 1994 við arkitektúr og skipulag. Fyrirtækið var stofnað af arkitektunum Halldóru Bragadóttur, Helga B. Thóroddsen og Þórði Steingrímssyni, sem jafnframt eru eigendur. Þorkell Magnússon arkitekt bættist síðar í eigendahóp. Framkvæmdastjóri er Halldóra Bragadóttir.

Um okkur

Samstillt teymi fagfólks með fjölbreyttan bakgrunn

Skipulag

Byggingar

Landslag og umhverfishönnun

Samkeppni og nýsköpun

Byggða- og húsakönnun

Samstillt teymi fagfólks með fjölbreyttan bakgrunn