Tillaga að nýju aðalskipulagi Sandgerðisbæjar.
Bæjarstjórn Sandgerðisbæjar auglýsir hér með tillögu að Aðalskipulagi Sandgerðisbæjar 2008-2024 skv. 18. gr. skipulags- og byggingarlaga nr. 73/1997, ásamt umhverfisskýrslu skv. 7. gr. laga nr. 105/2006 um umhverfismat áætlana.
Tillagan verður til sýnis á bæjarskrifstofu Sandgerðisbæjar, Vörðunni, Miðnestorgi 3, Sandgerðisbæ og hjá Skipulagsstofnun, Laugavegi 166, Reykjavík frá 26. júlí, til og með 10. september 2010. Tillöguna má einnig skoða á vef Sandgerðisbæjar, VSÓ ráðgjafar og hér á vef Kanon arkitekta.
Þeim sem telja sig einga hagsmuna að gæta er hér með gefinn kostur á að gera athugasemdir við tillöguna. Frestur til að skila inn athugasemdum er til og með 10. september.
Skila skal athugasemdum á bæjarskrifstofur Sandgerðisbæjar, Miðnestorgi 3, 245 Sandgerði. Hver sá sem eigi gerir athugasemdir við tillöguna innan tilskilins frests telst samþykkur henni.
Tillaga að nýju aðalskipulagi Sandgerðisbæjar
Greinargerð - Umhverfisskýrsla - Þéttbýlisuppdráttur - Sveitarfélagsuppdráttur
Stefnumörkun í Aðalskipulagi Sandgerðisbæjar 2008 – 2024
Bæjarstjórn Sandgerðisbæjar auglýsir nú tillögu að Aðalskipulagi Sandgerðisbæjar 2008 – 2024, greinargerð og umhverfisskýrslu, ásamt þéttbýlisuppdrætti og sveitarfélagsuppdrætti dags. 27.4. 2010, og uppf. júlí 2010.
Vinna við endurskoðun á Aðalskipulagi Sandgerðisbæjar 1997 – 2017 hófst í árslok 2007. Sandgerðisbær setti á fót stýrihóp sem hafði umsjón með vinnunni og vann náið með skipulagsráðgjöfum við gerð aðalskipulagsins á öllum stigum skipulagsvinnunnar.
Í upphafi voru skilgreindir helstu verkþættir skipulagsvinnu og áætlaður verktími. Í mars 2009 voru kynnt leiðarljós, markmið og áherslur skipulagsvinnu og hefur vinnan byggt á þeim grunni ásamt þeim ábendingum og umsögnum sem komið hafa fram á kynningartíma. Á vormánuðum 2010 voru kynnt drög að Aðalskipulagi Sandgerðisbæjar 2008 – 2024 og haldinn var opinn kynningarfundur um málið í marsmánuði s.l.
Miklar breytingar hafa átt sér stað í sveitarfélaginu og ber helst að nefna að fyrrum varnarsvæði eru færð í borgaraleg not og Ósabotnavegur hefur verið tengdur að Hafnavegi. Þessum breytingum fylgja tækifæri og til að nýta þau sem best hefur verið mótuð framtíðarsýn sem er grunnur stefnumiða í skipulagsvinnunni. Stefnan miðar að góðu samfélagi m.t.t. opinberrar þjónustu, lýðheilsu, menntunar, góðra búsetukosta, náttúruverndar, samgangna og atvinnuuppbyggingar. Með tilliti til þessa er nýju aðalskipulagi ætlað að leiðbeina í þróun og uppbyggingu samfélagsins í Sandgerðisbæ.
Stefna sveitarfélagsins er metnaðarfull. Til að þessi markmið hennar gangi eftir þarf að skapa umhverfi sem er eftirsóknarvert fyrir íbúa og fyrirtæki.
1. Verðlaun í samkeppni um nýtt Háskólasjúkrahús
Kanon arkitektar eru aðilar að hönnunarhópnum Spital sem í dag hlaut 1. verðlaun í samkeppni um nýtt Háskólasjúkrahús.
Tillöguna í heild má sjá á nýrri heimasíðu Spital ásamt nánari upplýsingum um hópinn.
